Án ábyrgðar

Skrýtið....
hvernig
ábyrgð annarra
á okkur
virðist
alltaf meiri
en
ábyrgð okkar
á öðrum.   

 

Hef oft velt þessu fyrir mér og spurt sjálfa mig Sókratískra spurninga á borð við:     

 

,, Hver ber ábyrgð á fólki sem kann ekki fótum sínum forráð fjármálum, fellur í áfengis eða vímuefnafenið, lendir upp á kant við “kerfið”, flosnar upp úr skóla, heldur ekki vinnu og leiðist út á glæpabrautina? “   

 

,, Samfélagið – auðvitað”, svara ég sjálfri mér.   

 

 ,,Hvernig ber samfélagið ábyrgðina?”  

 

,, Nú með því að sjá um fræðslu og stuðning fyrir þegna sína og veita þeim viðeigandi meðferð , þegar það á við.”   

 

,,Hverjir gera það?”  

 

,,Nú, ýmsir sérmenntaðir fagmenn s.s. kennarar, heilbrigðisstarfsmenn, félagsráðgjafar og svo auðvitað almenningur.” 

,Þú meinar þá einhverjir eins og ég og þú?”,

,,Já,”  

 

,,Hver ber þá ábyrgð á okkur?”   

 

,,Enginn, við berum hana sjálf.”  

 

,,Þannig að það eru bara sumir sem bera ábyrgð bæði á sjálfum sér og öðrum og sumir sem bera enga ábyrgð – hvorki á sjálfum sér né öðrum.”  

 

,,Ehmm, já líklega ”

 ,,…og virkar þetta ? “                                                                                                                         

Athugasemdir

[Rósa Harðardóttir, 21.7.2008 kl. 23:09]

Við hin berum ábyrgð á ykkur.  En bera ekki allir ábyrgð á sjálfum sér, sumum tekst það bara ekki og þá er komið að okkur hinum.  Við eða á ég að segja þeir sem standa sig þeir standa sig.  Æi ég reyndi alla vega.

[Anna Þóra Jónsdóttir, 21.7.2008 kl. 23:17]

Frábær analýsa Rósa...þú ert alveg að standa þig í þessu

- heppin þú að bera ekki ábyrgð á ruglinu í mér.....eða gerir þú það kannski?

[Edda Agnarsdóttir, 22.7.2008 kl. 15:24]

Þessi er ansi heimspekileg en skemmtilega góð, þetta er góð upprifjun á kjarnanum.

[Jóna Á. Gísladóttir, 31.7.2008 kl. 19:32]

,,Þannig að það eru bara sumir sem bera ábyrgð bæði á sjálfum sér og öðrum og sumir sem bera enga ábyrgð – hvorki á sjálfum sér né öðrum.”  

Aarghh.. svolítið mikið sammála þessu