6.7.2008 | 10:38
Í dag er 06 07 08
..og sólin, sem búin var að boða komu sína á veðurstofunni, hefur ákveðið að beila á því og skreppa eitthvert annað.
Ég er búin að vera með iðnaðarmann í vinnu undanfarið í viðgerðarvinnu og þegar henni lauk þurfti að taka til og þrífa heil ósköp. Verð að segja að það er ekki mín alsterkasta hlið þ.e. tiltekt.
Nú er stofan orðin fín og ég ætlaði svo sannalega að nota daginn í sund og sólbað...en maður verður bara að bíða og vona að sólarskömmin sé bara sein - hafi ekki alveg hætt við. Tiltekt Það er á svona dögumsem ég hef svo
óskaplega lítið
að segja.
Hendur mínar enn angandi
af salmíaksskotinni sítrónulykt.
Skúringaminningin
sveimandi um í bakinu.
Hálsinn þurr
af uppburstuðu ryki.
Og loðin tungan
fylgist áhugalaus með
hugsunum mínum
í líki
Ajax-stormsveips
reyna að taka sig til.
Athugasemdir
Sund skolar rykir og Ajax lyktinni af þér...í sól..og í rigningu..Flott!
Inga María, 14.7.2008 kl. 15:08
Segðu!...
auðvitað er enginn staður jafn notalegur í öllu veðri og heiti potturinn í Grafarvogslaug.
Anna Þóra Jónsdóttir, 14.7.2008 kl. 19:54
Frábært eins og venjulega! Hefur þú gefið út ljóðabók?
Edda Agnarsdóttir, 16.7.2008 kl. 11:19
Nei...
mér hefur eiginlega aldrei fundist ég eiga nógu mörg né nógu góð ljóð til að þau eigi erindi í bók
Anna Þóra Jónsdóttir, 17.7.2008 kl. 11:25
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.